Thellohet tragjedia në Itali/ Humbin jetën 58 persona nga përmbytja e anijes

Thellohet tragjedia në jug të Italisë, ku u përmbyt anija me 180 emigrantë.

BBC raporton se të paktën 58 emigrantë, përfshirë edhe një foshnjë, kanë humbur jetën.

Një roje bregdetare tha se 80 persona ishin nxjerrë të gjallë, përfshirë disa që arritën vetë në breg pas fundosjes së anijes.

Emigrantët ishin kryesisht nga Afganistani, Pakistani, Somalia dhe Irani. Presidenti Sergio Mattarella tha se shumë persona po iknin nga Afrika në Itali për shkak të “kushteve shumë të vështira”.

Anija raportohet të jetë fundosur pasi u përplas me shkëmbinj gjatë motit të keq pranë qytetit bregdetar të Crotones, në rajonin e Kalabrisë.

Ndërkohë, policia doganore ka deklaruar se ka arrestuar një të mbijetuar me akuzën e trafikimit të emigrantëve