Vasili : DASH kryqëzon totalisht Ramën dhe rilindjen

Nënkryetari i Partisë së Lirisë Petrit Vasili ka reaguar përmes një postimi në rrjetet sociale për raportin e DASH mbi Shqipërinë, ku sipas tij Rama dhe rilindja janë “kryqëzuar” totalisht.

Vasili shkroi në Facebook se Rama dhe rilindja janë nën akuzë për zgjedhje të manipuluara, korrupsion të thellë të qeverisjes, represion të medias si edhe gjyqësor te kapur.

Ai shtoi më tej se shembja e “Prestige Resort” dhe represioni ndaj deputetit të PD, Agron Shehaj janë pjesë e Raportit të DASH si raste flagrante, ndërsa vijoi më tej duke shkruar se kapja e shtetit dhe represioni mafioz i Edi Rames është nën shënjestrën dhe lupën e SHBA.

Postimi i plotë:

Departamenti Amerikan i Shtetit kryqezon totalisht Ramen dhe rilindjen!
Rama dhe rilindja nen akuze per zgjedhje te manipuluara, korrupsion i thelle i qeverisjes,represion te medias, gjyqesor te kapur.
Edhe shembja e Prestige Resort dhe represioni ndaj deputetit te PD Agron Shehaj jane pjese e Raportit si raste flagrante.
Sot Raporti i Departamentit te Shtetit per te drejtat e njeriut tregoi qarte se kapja e shtetit dhe represioni mafioz i Edi Rames eshte nen shenjestren dhe lupën e SHBA.
Konstatimet e DASH jane asgjesuese dhe pa asnje ekuivok.
Ja disa nga momentet kyc te Raoprtit te DASH:
Mangësitë me pavarësinë dhe integritetin e gjyqësorit; mungesa e mediave të pavarura; dhe korrupsioni i vazhdueshëm në qeverisje, në organet e zbatimit të ligjit dhe në institucionet lokale, ishin problemet kryesore në Shqipëri gjatë vitit të kaluar, sipas raportit të Departamentit amerikan të Shtetit,të botuar sot.
“presioni politik, frikësimi, korrupsioni dhe burimet e kufizuara e penguan gjyqësorin të funksiononte plotësisht, në mënyrë të pavarur dhe efikase”, thuhet në raport.
Korrupsioni, thekson raporti, ishte i pranishëm në të gjitha degët dhe nivelet e qeverisjes, përfshirë edhe prokurimin publik dhe partneritetet publiko-private.
“Presioni politik, korrupsioni dhe mungesa e fondeve kufizuan median e pavarur të shkruar dhe gazetarët thuhet se kanë praktikuar autocensurë”, thuhet në raport.
Po sipas Departamentit të Shtetit, raporti i Misionit Ndërkombëtar të Vëzhgimit të Zgjedhjeve pas zgjedhjeve parlamentare të prillit 2021 vlerësoi se gazetarët mbetën të pambrojtur ndaj presionit dhe korrupsionit.
Duke iu referuar këtyre zgjedhjeve parlamentare te vitit 2021në raport thuhet se sipas Misionit Ndërkombëtar të Vëzhguesve “partia në pushtet siguroi avantazhe të rëndësishme nga fakti i të qënit pushteti i saj, nga kontrolli mbi administratat vendore dhe nga keqpërdorimi i burimeve administrative”.
Raporti përmend gjithashtu përfitimin që shumica siguroi nga mbulimi pozitiv i institucioneve shtetërore në media, si edhe pretendimet e besueshme për blerje të përhapura të votave nga partitë politike dhe nxjerrjen dhe përdorimin e paligjshëm të të dhënave të ndjeshme personale.
Në raport thuhet se disa pronarë biznesesh, aktivistë të shoqërisë civile dhe politikanë
akuzuan qeverinë për zbatim selektiv të ligjit për sekuestrimin e pronave për qëllime politike.
Aty përmenden si shembuj mbyllja me forcë e një ambienti biznesi të një deputeti të opozitës, i cili tha se kompania e tij ishte vënë në shënjestër, pasi ai kishte akuzuar vazhdimisht dhe publikisht zyrtarët e qeverisë për korrupsion.(Rasti i Z.Agron Shehajt).
Po ashtu përmendet shembja në dhjetor e një hoteli nga Inspektorati Kombëtar për Mbrojtjen e Territorit , duke përmendur si arsye shkelje të rënda të ligjeve të ndërtimit.
Në raport përmendet fakti që pronari i hotelit, që është edhe pronar i disa mediave dhe bizneseve të tjera, pretendon se hoteli i tij u shkatërrua për të heshtur kritikat dhe kundërshtimet, ndërkohë që qeveria tha se veproi në përputhje me ligjet në fuqi.(Rasti i shembjes se Hotel Prestige).
Koha e permbysjes po gjëmon.

Në raport theksohet se disa media dhe gazetarë të njohur kanë marrë pagesa direkte nga inceneratorët.

“Rrjedhjet e të dhënave në lidhje me pagat në dhjetor 2021 dhe janar 2022 sugjeruan se disa gazetarë dhe media të njohura morën pagesa direkte nga kompanita e kontraktuara për ndërtimin e inceneratorëve. Kompanitë e inceneratorëve ishin nën hetim për korrupsion dhe mashtrim të dyshuar,” thekson DASH.

Shembja e ‘Prestige Resort’ ka zënë po ashtu vend në raportin e Departamentit Amerikan të Shtetit për vitin e kaluar. Ky sulm ndaj një biznesi përmendet në raport si një trysni mbi mediat.

“Më 4 dhjetor, Inspektorati Kombëtar për Mbrojtjen e Territorit prishi një hotel duke përmendur shkelje të rënda të ligjeve të ndërtimit. Në datën 1 dhjetor, kompania e ndërtimit të resortit kishte depozituar një padi në Gjykatën Administrative të Durrësit, duke kërkuar një vendim në pritje të shqyrtimit ligjor të urdhrit të prishjes së IKMT. Gjykata nuk caktoi menjëherë gjyqtarin dhe IKMT vazhdoi me shembjen. Pronari i hotelit, i cili gjithashtu zotëron disa media dhe biznese të tjera, pretendoi se hoteli i tij u shkatërrua për të mbytur kritikat dhe mospajtimet. Qeveria pohoi se veproi në përputhje me ligjet në fuqi dhe se kjo prishje ishte pjesë e një fushate më të gjerë për të çrrënjosur ndërtimet e paligjshme në vend”, thuhet në raport.

Sipas raportit, vëzhguesit pohojnë se “qeveria, partitë politike, bizneset dhe grupet kriminale u përpoqën të ndikonin në media në mënyra të papërshtatshme dhe jotransparente”.

Ka media të lira dhe një përhapje të madhe të organeve të medias, veçanërisht në internet, që përfaqësojnë një spektër të gjerë pikëpamjesh pa përgjegjësi, shpesh pa e atribuar informacionin.

“Megjithatë, janë të pakta mediat e pavarura, pasi shumica e mediave janë në pronësi të biznesmenëve me peshë që kanë interesa të mëdha, të cilët përdorin mediat e tyre për të avancuar interesat e tyre, përfshirë përfitimin dhe nxitjen e interesave që kanë me partitë politike”, thuhet në raport.

Departamentit i Shtetit thotë gjithashtu se ka pasur raporte të besueshme sipas së cilave, përfaqësuesit e lartë të mediave përdornin organet e tyre për të ushtruar shantazh ndaj bizneseve, duke i kërcënuar ato me pasqyrim negativ.