Ky është kryeplaku i fshatit Vithkuq, që  p*rdhunoi 23-vjeçaren

Një 23-vjeçare është përdhunuar seksualisht në Vikthkuq të Korçës, ku burime për median bëjnë me dije se në pranga ka rënë kryeplaku i fshatit, Ervis Rrapo.

Ky është 29-vjeçari i cili është arrestuar këtë të enjte nga uniformat blu. 

Mësohet  se e reja, identiteti i të cilës ende nuk dihet ka probleme të shëndetit mendor pasi nuk ka zhvillim normal, si dhe nuk kurohet dhe nuk ka as kartelë.

Lidhur me ngjarjen, denoncimi në Polici është bërë nga vetë babai i 23-vjeçares, ndërsa burimet bëjnë me dije se e reja është në gjendje të rënduar psikologjike.

Siç shihet dhe nga fotot e mëposhtme familja e vajzës jeton në kushte të vështira ekonomike.

Njoftimi i policisë:

-Specialistët për Hetimin e Krimeve të Komisariatit të Policisë Korçë arrestuan në flagrancë shtetasin E. Rr., 29 vjeç, banues në një fshat të njësisë administrative Vithkuq, Korçë, pasi dyshohet se më datë 08.04.2023, ka kryer marrëdhënie seksuale me një 23-vjeçare, e pazotë për t’u mbrojtur.
Materialet procedurale i kaluan prokurorive të rretheve gjyqësore Korçë e Pogradec, për veprime të mëtejshme.