Moska sulmohet me dronë kamikazë/ BBC: Lufta ka mbërritur në shtëpi

Një lagje e pasur e kryeqytetit rus, Moskë, u sulmua me dronë kamikazë vetëm pak orë pasi Vladimir Putin ndërmori një sulm të ngjashëm mbi kryeqytetin ukrainas. Ky duket si një sulm hakmarrës nga Kievi, edhe pse Ukraina e ka mohuar autorësinë

Nga Steve Rosenberg, BBC- Moskë

Ka pasur këtë mëngjes raportime për shpërthime në Moskë dhe rreth Moskës.

Kryetari i bashkisë së qytetit, Sergei Sobyanin tha se sulmet me dronë kishin shkaktuar dëme të vogla në disa ndërtesa.

Por ai shton se nuk ka pasur lëndime serioze.

Në orën 06:24 me orën lokale të mëngjesit të sotëm, unë vetë dëgjova një shpërthim në distancë dhe dritaret e shtëpisë sime u drodhën.

Gjysmë ore më vonë, dëgjova një shpërthim tjetër.

Duke gjykuar nga bisedat në rrjetet sociale, shumë njerëz në zonën e Moskës i kanë dëgjuar gjithashtu.

Befas, lufta në Ukrainë ndihet shumë më afër shtëpisë.