Rama takim me Ballën e Gjiknurin në vilën qeveritare

Kryeministri Edi Rama u takua paraditen e sotme me disa përfaqësues të Partisë Sociliste pas zhvillimeve të fundit në këtë forcë politike. Takimi u zhvillua në Vila 30, vila qeveritare. Në takim morën pjesë Taulant Balla, Damian Gjiknuri, Ulsi Manja dhe Engjëll Agaçi. Ky takim vjen pas shkarkimit të Bledi Çuçit nga posti i Ministrit të Brendshëm dhe propozimit të Taulant Ballës për ta zëvendësuar atë. SPAK ka kërkuar arrestimin e Arben Ahmetajt dhe kontrollin e banesës së tij, të cilat u bënë publike gjatë kësaj dite. Kujtojmë se Bledi Çuçi u shkarkua pas skandalit të dhunës së ndodhur në Krujë, ku djali i tij dhe vëllezërit e ish-deputetit të PS-së përdorën dhunë fizike ndaj dy kushërinjve të fise Maja. Rrahman Rraja, i cili ishte ndër personat e përfshirë në këtë ngjarje, u dorëhoq nga mandati i deputetit dy ditë pas ngjarjes, ndërsa Bledi Çuçi u shkarkua nga posti i Ministrit të Brendshëm disa orë më vonë.

Qeveria ka dërguar ditën e sotme në presidencë propozimin e kryeministrit Edi Rama për të emëruar Taulant Ballës në postin e Ministrit të Brendshëm.

Propozimi sipas presidencës ka mbërritur në këtë institucion rreth orës 14:00 të së hënës.

“Referuar interesit tuaj mbi ardhjen në Institucionin e Presidentit të Republikës të propozimit për emërimin e z. Taulant Balla Ministër i Brendshëm, ju informoj që ky propozim sapo ka mbërritur”, ka njoftuar presidenca.

Presidenti ka afat deri në 7 ditë për t’u shprehur në lidhje me këtë propozim.

Balla pritet të zëvendësojë në postin e Ministrit të Brendshëm Bledi Çuçin, i cili u shkarkua pas terrorit të Rrajave në Fushë Krujë.