Mes lotësh dhe me flamur niset drejt Shqipërisë trupi i Klajdi Bitrit

Arkivoli i Klajdi Bitrit, 23-vjeçarit shqiptar të vrarë të dielën e kaluar në Sirolo, Itali ka dalë nga morgu u spitalit Torrette pasi do të niset drejt Shqipërisë.

Nxjerrja e arkivolit të mbuluar nga një flamur kuqezi u shoqërua me duartrokitje dhe lot nga miqtë e tij. Makina e arkivolit është nisur drejt portit, ku në orën 17:00 anija do të niset drejt Shqipërisë pasi do të varroset në Lushnje aty ku jetojnë prindërit e tij.

Pak ditë më parë miqtë e tij nisën të mblidhnin fonde në internet për të sjellë trupin e riut në Shqipëri dhe për të ndihmuar familjen e tij.

Sot pasdite, në orën 18, nga Piazza Cavour do të nisë edhe një kortezh kushtuar të riut shqiptar të vrarë nga një 27-vjeçar algjerian.