Fushë Krujë/ Aksidentoi për vdekje 4-vjeçarin, shoferi i çoi në spital dhe më pas…

Një aksident tragjik ka ndodhur sot në rrugën Fushë Krujë-Tiranë, në fshatin Tapizë, ku mjeti tip “Benz”, me drejtues shtetasin E. B., ka aksidentuar shtetasin V. B., dhe fëmijën e tij të mitur 4 vjeç.

Si pasojë e dëmtimeve të marra nga aksidenti, 4-vjeçari ka ndërruar jetë në spital.

Krujë/ Informacion paraprak

Më datë 06.01.2024, në rrugën Fushë Krujë-Tiranë, në fshatin Tapizë, mjeti tip “Benz”, me drejtues shtetasin E. B., ka aksidentuar shtetasin V. B., dhe fëmijën e tij të mitur 4 vjeç. Si pasojë e dëmtimeve të marra nga aksidenti, 4-vjeçari ka ndërruar jetë në spital.

Drejtuesi i automjetit është shoqëruar në Polici për veprime të mëtejshme procedurale.

Grupi hetimor po punon për sqarimin e rrethanave të aksidentit

Pak orë pas aksidentit tragjik në Fushë Krujë ku mbeti i vdekur një djalë 4-vjeçar dhe u plagos babai i tij, detaje të tjera dalin në dritë.

Sipas burimeve drejtuesi i mjetit, Erlis Beqja nga Fushë Kruja, ka dërguar shtetasin B. Balliu dhe djalin e tij të mitur në Spitalin e Traumës në Tiranë.

Pas këtij momenti, ai është dorëzuar në komisiariatin e Policisë së Fushës Krujës.