‘Dronët e Ukrainës goditën rafinerinë ruse të naftës Syzran’- guvernatori

Moskë – Guvernatori i rajonit Samara të Rusisë tha të shtunën se dronët ukrainas kishin goditur dy rafineri të naftës që i përkasin gjigantit shtetëror të naftës Rosneft (ROSN.MM), duke mos shkaktuar viktima, por duke i vënë zjarrin objektit, njofton Reuters..

Rusia ndërkohë voton deri të dielën në zgjedhjet presidenciale treditore, me presidentin Vladimir Putin që të premten akuzoi Ukrainën për përpjekje për të sabotuar votimet, të cilat ai është i sigurt se do t’i fitojë.

Rafineria Syzran e rajonit të lumit Vollga kishte shpërthyer në flakë, por një sulm tjetër në rafinerinë Novokubyshev u pengua, tha guvernatori Dmitry Azarov në një deklaratë në aplikacionin e mesazheve Telegram.

Ai tha se punëtorët në të dy uzinat ishin evakuuar dhe nuk kishte viktima.
Pamjet e paverifikuara të publikuara në internet treguan atë që dukej të ishte një zjarr i madh në rafinerinë Syzran, me shërbimet e urgjencës që punonin në vendngjarje.