Bardhi i kërkon Nikollës, iterpelancë me kryeministrin për Olsi Ramën: E ke i shndërruar republikën parlamentare në republikë kryeministrore.

Kryetari i grupit parlamentar të PD, Gazment Bardhi, reagoi pasi kryeministri Edi Rama refuzoi pjesëmarrjen në interpelancën e kërkuar për çështjen e implikimit të vëllait të tij në trafikun e drogës.

Bardhi i kërkon kryetares së Kuvendit, Lindita Nikolla që kjo interpelancë të përfshihet në rendin e ditës.

“Kushtetuta dhe rregullorja të detyron të përfshish në rendin e ditës interpelancën me kryeministrin.

Sot jam njoftuar publikisht nga kryeministri, për refuzimin e interpelancës. E ke i shndërruar republikën parlamentare në republikë kryeministrore.

Nuk ka tagër ligjor dhe kushtetues që kryeministri të vendosë arsyet dhe temat e thirrjes në interpelancë, ashtu siç nuk ka tagër te refuzoje.

Kjo është shkelje e hapur kushtetuese,” shprehet Bardhi.