GJKKO rrëzon kërkesën e avokatëve për revokimin e masës së Berishës

GJKKO rrëzon kërkesën e avokatëve për revokimin e masës së kryetarit të PD, Sali Berisha.

Gjykata e Posaçme me trupë Irena Gjokën ka rrëzuar kërkesën për ndryshimin e masës së sigurisë për Sali Berishën dhe Jamarbër Malltezin.

Kujtojmë se lideri i opozitës, Sali Berisha ndodhet në ‘arrest shtëpie’ që prej 30 dhjetorit 2023. Kreu i opozitës mbahet në arrest shtëpiak me urdhër të pushtetit, pasi ndaj tij nuk ka asnjë akuzë apo fakt, edhe pse SPAK ka hetur prej tre vitesh gjithë aktivitetin e tij si kryeministër.

Kujtojmë se gjyqtarja që po përdor Edi Rama për të përndjekur me gjykata politike liderin e opozitës është Irena Gjoka, gjyqtare në konflik të pastër me çështjen pasi është shkarkuar nga detyra në vitin 1996 nga Sali Berisha për paaftësi në kryerjen e detyrës. Më tej Gjoka doli të ishte një gjyqtare me 3 mbiemra dhe e dënuar në shtetin grek, siç raportuan mediat fqinje, për falsifikim dokumentesh.