Blendi Fevziu ka vendosur t’i përkushtohet promovimit të turizmit dhe bukurive të Shqipërisë, duke e bërë këtë nëpërmjet rrjeteve sociale dhe influencës personale. Megjithatë, Blendi ka të drejtën e  tij  që të ftojë byrekpjekësit apo çdo  personazh në valët  e një TV-je  me liçencë kombëtare do të ishte  mirë  që përveç përqendrimit  në promovimin e destinacioneve luksoze dhe rezorteve të pasura, të mos  anashkalonte  problemet reale dhe të rëndësishme që prekin turizmin dhe jetën e përditshme të qytetarëve të zakonshëm.

Në vend që të ndalet vetëm te aspektet pozitive, Fevziu duhet të adresojë edhe çështjet infrastrukturore dhe kushtet e papërshtatshme që ndikojnë negativisht në përvojën turistike. Rrugët e këqija, mungesa e shërbimeve bazë dhe ndotja mjedisore janë disa nga problemet që nuk mund të injorohen nëse synohet zhvillimi i një turizmi të qëndrueshëm dhe të përgjegjshëm.

Ndërsa promovimi i bukurive të vendit është i rëndësishëm, detyra e një figure publike si  Fevziu duhet të jetë gjithashtu të ngrijë zërin për përmirësimin e kushteve që do të bëjnë që këto destinacione të jenë të aksesueshme dhe të këndshme për të gjithë turistët, jo vetëm për ata që mund të përballojnë luksin.