Durrës/ Arrestohet 30-vjeçari që tentoi t’i vidhte çantën turistit nën kërcënimin e thikës

Një 20-vjeçar ka tentuar t’i vjedhë çantën një turisti italian mbrëmjen e së premtes, në Durrës.

Ngjarja është regjistruar në një rrugë në lagjen nr. 13.

Duke përfituar nga errësira, i riu i është afruar me motor turistit dhe ka tentuar të vjedhë çantën nën kërcënimin e thikës.

Megjithatë, përpjekjet e tij nuk kanë pasur sukses, pasi italiani është larguar me makinë.

Pas denoncimit të turistit, blutë kanë arrestuar autorin e dyshuar, shtetasit A. D., banues në Bulqizë dhe rezident në Itali.

Ndërkohë, materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme.