Bullgari/ Votohet në parlament qeveria e përkohshme

Dimitar Glavçev së bashku me anëtarët e tjerë të kabinetit qeveritar do të udhëheqë qeverinë e përkoshme në Bullgari.

Këtë të martë, ata bënë betimin në parlament, ndërsa mbledhja e posaçme e Asamblesë Kombëtare, e thirrur për betimin e qeverisë, zgjati vetëm tetë minuta.

Në kabinetin e përkohshëm, kreu i policisë kombëtare, Atanas Ilkov, do të zëvendësojë Kalin Stojanov si ministër i brendshëm i Bullgarisë. Në krye të Ministrisë së Punëve të Jashtme u emërua Ivan Kondov;

Më 27 gusht, presidenti bullgar, Rumen Radev nënshkroi dekretin për mbajtjen e zgjedhjeve të parakohshme parlamentare më 27 tetor.

Zgjedhjet do të mbahen, pasi tre forcat kryesore politike të parlamentit aktual – partia konservatore GERB dhe koalicioni pro-evropian, i cili përfshin partitë “Vazhdo ndryshimin” dhe “Bullgaria Demokratike”, si dhe partia “Ka të tilla populli” – në bazë të rezultateve të zgjedhjeve të mbajtura në qershor, nuk arritën të formonin një qeveri.

Kriza e energjisë në Bullgari vazhdon që nga viti 2021. Gjatë kësaj kohe, vendi ndryshoi gjashtë kabinete ministrash.