SPAK-ku “flë”, Veliaj pagoi 10 MILIARD Lekë nga paratë e qytetarëve për 2024, inceneratorit të Tiranës

Përditësuar më 30 Shtator 2024, 16:02

Pagesat nga Buxheti i Shtetit për kompaninë Integrated Energy BV SPV e kontraktuar për inceneratorin e Tiranës arritën në 10 MILIARD LEKË për këtë vit, ndërsa për vitet 2019-2024 llogariten mbi 72 MILIARD Lekë nga Thesari.

Tirana vijon të përballet me  skandalin  e madh financiar: 10 miliardë lekë të paguara nga Erion Veliaj për inceneratorin e sekuestruar, që nuk dihet ku  shkojnë direkt në duart e Klodian Zotos dhe Mirel Mërtirit apo të në kompani guacka.
SPAK duket se është i pafuqishëm për të hetuar ‘krimin intelektual’ të  dyshes Mërtiri-Zoto, duke ngritur dyshime  serioze mbi integritetin e hetimeve.
Si mund të ndodhin pagesa kaq masive për një shërbim tashmë të sekuestruar?

Në këtë vend ku transparenca është  një fjalë e harruar, ky është  rasti tipik që tregon  lidhjet e thella mes politikës dhe biznesit të dyshimtë.

Mbi 10 MILIARD Lekë janë paguar në muajt Janar-Shtator kompanisë për aferën e mbetjeve.

Deri më sot, Bashkia Tiranë ka paguar 60 MILIARD Lekë në total për inceneratorin e Tiranës, ndërsa në një ditë, vetëm për datën 28 gusht 2024 ka paguar 2.1 MILARD Lekë.