Viktima e strehonte prej një viti në shtëpi, ky është 42-vjeçari që goditi për vdekje shokun e tij në Sarandë Shkruar nga: V Gashi | Publikuar më: 06.10.2024, 22:28

Detaje të reja janë zbardhur nga ngjarja e rëndë që ndodhi mbrëmjen e sotme në fshatin Gjashtë të Sarandës, ku pas një sherri për motive të dobëta 42-vjeçari Admir Beqiri goditi për vdekje me shishe qelqi shokun e tij, 65-vjeçarin Gëzim Bizoni.

Bizoni, i cili jetonte i vetëm pas divorcit, kishte lejuar Beqirin të jetonte me të në shtëpinë e tij që prej vitit të kaluar, por kohët e fundit i kishte kërkuar që të largohej nga banesa. Beqiri, i njohur edhe si “Miri i Safos,” i cili kishte precedentë penalë dhe dyshohet se kishte probleme me alkoolin, në gjendje të dehur goditi për vdekje Bizonin në oborrin e shtëpisë së tij.

Viktima ndërroi jetë në vendngjarje nga plagët e marra, ndërsa autori u arrestua menjëherë nga policia. Hetimet paraprake sugjerojnë se ngjarja është pasojë e tensioneve të akumuluara mes dy shokëve, të përkeqësuara nga efektet e alkoolit.

Njoftimi i policisë:

Sot, në fshatin Gjashtë, Sarandë, dyshohet se për motive të dobëta, shtetasi Admir Beqiri, rreth 42 vjeç, ka goditur me sende të forta (shishe qelqi) shtetasin Gëzim Bizioni rreth 65 vjeç, në oborrin e banesës së tij. Si pasojë e dëmtimeve të marra, shtetasi G. B. ka ndërruar jetë në vendngjarje.

Shërbimet e Policisë shkuan menjëherë në vendngjarje dhe, falë reagimit të shpejtë, bënë të mundur kapjen e autorit të dyshuar, shtetasin A. B., i cili u shoqërua në Komisariatin e

Policisë Sarandë për veprime të mëtejshme hetimore. Dyshohet paraprakisht se autori ishte nën ndikimin e alkoolit në momentin e ngjarjes.

Vijon puna e grupit hetimor për përcaktimin e shkakut të konfliktit dhe sqarimin e plotë të rrethanave të ngjarjes.

Më shumë nga Lajme

Zëri yt bëhet lajm.