Foto/U kap me armë dhe tritol në Greqi, identifikohet çifti shqiptar
Identifikohet çifti shqiptar që u kap me armë dhe tritol në makinë, në kryeqytetin grek.
Bëhet fjalë për Armiol Rrasën nga fshati Gradishtë i Divjakës dhe Daniela Luarin, 33 vjeçe.
Në automjetin me të cilin udhëtonin u gjet një armë zjarri pistolete TT dhe një sasi lënde eksplozive tritol me dy ndezës.
Mësohet se Armiol Rrasa është me precedentë penalë në Shqipëri dhe në Greqi, ku është dënuar me burg për trafik droge në vitin 2008 dhe është liruar nië vitin 2015.
Gjithashtu, është arrestuar edhe partnerja e tij shqiptare, 33-vjeçarja Daniela Luari, e cila rezulton pa precedentë penale në Greqi.
Ajo është ndaluar vetëm një herë për mungesë të lejes për shërbim.
Ndërkohë vijojnë hetimet për veprimtarinë kriminale të çiftit shqiptar, ndërsa ende nuk dihet arsyeja e mbajtjes së armës dhe tritolit në makinë.
Keni një histori? Denonco anonimisht, identiteti juaj mbrohet.
Denonco
