Peqin/ Arrestohet dëshmitari që fshehu kamerat, autori i plagosjes mbetet në kërkim

Përditësuar më 4 Nëntor 2024, 15:56

Veprimet hetimore vijojnë për zbardhjen e plotë të ngjarjes së ndodhur dy ditë më parë në lagjen Xhami, ku një 26-vjeçar tentoi të vriste me armë zjarri një 41-vjeçar. Shtetasi Aldo Tufa, 26 vjeç, është akuzuar për plagosje pas një konflikti për motive të dobëta që përfundoi me përdorimin e armës.

Në kuadër të hetimeve, policia ka arrestuar në flagrancë shtetasin S. Ll., 50 vjeç, banues në Peqin, për moskallëzimin e krimit dhe për veprime që pengojnë zbardhjen e së vërtetës.

Ky i fundit akuzohet se nuk ka raportuar ngjarjen dhe ka hequr dhe fshehur DVR-në e kamerave të sigurimit që ndodheshin afër vendngjarjes.

Autoritetet kanë shpallur 26-vjeçarin Tufa në kërkim për akuzat e “Vrasjes me paramendim” në tentativë, si dhe “Mbajtjes pa leje dhe prodhimi të armëve, armëve shpërthyese dhe municionit”.