Rama befasohet nga fitorja e Trump: Mezi pres të kem privilegjin e madh të punoj me Presidentin e 47

Kryeministri Edi Rama, që para disa vitesh e pati quajtur Donald Trump një kërcënim për Amerikën, botën dhe vetë marrëdhëniet shqiptaro-amerikane, reagoi sot pas fitores së tij në zgjedhjet presidenciale.

Rama dukej i habitur nga fitorja e Trump, të cilën e quajti të jashtëzakonshme.

“Urime Donald Trump për këtë fitore të jashtëzakonshme. Ishte nder i madh që të punoja me Presidentin e 46 të Shteteve të Bashkuara për të forcuar lidhjen mes dy vendeve tona. Mezi pres të kem privilegjin e madh të punoj me Presidentin e 47 për të zgjeruar partneritetin tonë të paqes, begatisë dhe progresit”, shkruan Rama në rrjetin social “X”.