Kryebashkiaku Erion Veliaj është thërritur sërish në SPAK

Kryebashkiaku i Tiranës, Erion Veliaj, është thërritur sërish në SPAK (Prokuroria Speciale kundër Korrupsionit dhe Krimit të Organizuar). Lajmin e ka bërë të ditur drejtuesi i Partisë Demokratike për Tiranën, Belind Këlliçi.

Në një deklaratë për mediat, Këlliçi nuk ka dhënë detaje të tjera për natyrën e thirrjes, por kjo është hera e dytë që Veliaj ftohet nga organi i akuzës në lidhje me hetime të mundshme. Ky zhvillim vjen në një moment kur Veliaj është një nga figurat më të përfolura politike në vend.