Kamëz/Vritet 48-vjeçari, gjendet pa shenja jete në…

Një 48-vjeçar i identifikuar si Lulzim Visha, është gjetur pa shenja jete mëngjesin e së premtes në Zall Mner, në Kamëz.

Policia dyshon se është vrarë me armë zjarri, ndërsa në vendngjarje kanë shkuar uniformat blu.

Njoftimi i policisë:

Më datë 24.01.2025, rreth orës 07:40, në rrugën “Shën Stefani”, në Zall Mner, është konstatuar pa shenja jete, brenda një automjeti, shtetasi L. V., 48 vjeç, banues në Kamëz, i dyshuar i vrarë me armë zjarri.

Shërbimet e Policisë ndodhen në vendngjarje. Ndërkohë grupi hetimor, në drejtimin e Prokurorisë, po punon për sqarimin e rrethanave të ngjarjes, identifikimin dhe kapjen e autorit/ëve.

Në vijim, do të keni një informacion me të detajuar për rastin.