E quajti “buf kënete”, Berisha i përgjigjet me me shpendin “sqep këpucë”: Është lëshuar me një gjuhë shtazësh

Kreu i PD Sali Berisha ka reaguar ndaj një krahasimi të bërë nga kryeministri Edi Rama, i cili e cilëson atë si një buf të kënetës.

Berisha e cilësoi Ramën si një person që përdor një gjuhë të papërshtatshme, duke përdorur fjalë të stilit të kafshëve dhe shpendëve. Ai përmendi një mesazh nga një qytetar, i cili i dërgoi një fotografi dhe i sugjeroi që të fliste për një shpend të quajtur “sqep këpucë”, si një mënyrë për t’u shpjeguar socialistëve se çfarë po ndodhte në qeverisjen e Ramës.

Për shpendin “sqep këpucë”, Berisha përmendi se shpendi në fjalë, i njohur më parë si lejlek, u klasifikua më vonë si pelikan.

“Ju e keni parë që Edi Rama është lëshuar në gjuhë shtazësh, shpendësh, kafshësh, unë gojën time nuk e çoj aty. Me tha një qytetar, më dërgoi një mesazh dixhital dhe një fotografi, me thotë: “Doktor thuju socialistëve të lexojmë pak për një shpend sqep këpucë, se atëherë do kuptojnë se çfarë po bën Edi Rama me ta”. Unë nuk e di se çfarë është ky shpend, hyni e Google shikojeni për çfarë është”, tha Berisha.

Çfarë është shpendi “sqep këpucë”?

“Sqep këpuca” është një shpend që fillimisht u klasifikua si lejlek, por më vonë u identifikua si pelikan. Ky shpend ka tërhequr vëmendjen e shkencëtarëve për ngjashmërinë e tij të theksuar me dinosaurët e prehistorisë. Ai ka një lidhje të dukshme me mbetje fosile të zbuluara në vende të ndryshme të globit.