Euforia e titullit kampion të Napolit ka qenë e jashtëzakonshme dhe ashtu siç është bërë tashmë traditë, edhe Antonio Konte është bërë ”viktimë” e ndërprerjes së konferencës së parë pas ndeshjes që i dha titullin ekipit të tij.
Futbollistët ndërprenë teknikun duke kënduar kore dhe duke e lagur me shampanjë, ndërsa festonin të papërmbajtshëm këtë sukses.
Ndërkohë, Amir Rrahmani, mori mikrofonin që ishte vendosur në tavolinën e sallës së konferencave.
“Boll me pyetjet, tani është koha të festojmë”, tha ai duke nisur një tjetër kor të cilit iu bashkua me shumë entuziazëm edhe vetë Konte.
