Rusi/ Shpërthim i fuqishëm në një supermarket, 10 të plagosur

Një shpërthim i fuqishëm ka ndodhur në një supermarket në Shën Petersburg të Rusisë ditën e sotme, ku të paktën dhjetë persona të paktën u lënduan dhe u dërguan në spital. Mediat Ruse bëjnë me dije se janë evakuuar 50 persona nga ndërtesat pranë.

Të plagosurit janë dërguar menjëherë në spitale për të marrë trajtimin e nevojshëm mjekësor.

Shpërthimi ndodhi rreth orës 18:30 në një supermarket në shëtitoren Kondratiev në Shën Petërburg. Mediat lokale bëjnë me dije se shpërthimi ndodhi në një moment kur dyqani ishte i mbushur me njerëz që po bëjnë përgatitjet  për Vitin e Ri.

Autoritetet thanë se kanë evakuuar njerëzit dhe po punojnë për zbardhjen e ngjarjes.