Rama: Saimir Tahiri nuk është problem i PS

Kryeministri i vendit Edi Rama, gjatë një interviste për “Top Story”, ka komentuar çështjen Tahiri.

Sipas kryeministrit Edi Rama, problemi i kanabisit ka qenë që para se të vinte PS në pushtet, por policia e nuk raportonte, ndërsa shtoi se vetëm Lazarati ka sjellë 900 tonë drogë. Sipas tij vendi ka qenë i mbuluar me kanabis nga Vermoshi në Konispol, dhe nuk ishte Saimir Tahiri ai që mbolli vendin në Kanabis, por ai që e luftoi.

Më tej ai tha, qeveria e tij dhe Partia Socialiste, nuk e ka mbrojtur në asnjë kohë Saimir Tahiri, dhe e ka lënë këtë në dorë të drejtësisë. Për këtë Rama u shpreh se Tahiri nuk është problemi i Partisë Socialiste, dhe nëse do të votohej këtë të diel PS do të merrte 78 mandate deputetësh.