“Ollga” Spiropali bëhet dhe film me Don Kishotin
Mirë Don Kishotin, moj Elise, që nuk e ke lexuar kurrë… po as titullin që të kanë dhënë nuk e ke lexuar dot?!
Sepse dekorata që Presidenti Zelensky të akordoi quhet “Urdhri i Princeshës Olga” dhe jo “Urdhri i Shën Ollgës” siç e prezantove ti me krenari.
Nëse dikush s’ka faj për këtë rrëshqitje, është vetëm… gjuha shqipe, që Spiropali e përdor shpesh për të zbukuruar realitetin. Por këtë herë zbukurimi i saj e ktheu një dekoratë ukrainase në një titull rus.
“Urdhri i Princeshës Olga” është një nderim i Ukrainës për gratë që kontribuojnë në jetën publike e diplomatike. Ndërsa “Shën Ollga” është dekoratë ruse, e lidhur me Kremlinin dhe historinë kishtare të Moskës.
Pra, Elisa Spiropali i vuri vetes një “Shën” që s’i përket asaj, as vendit, as momentit historik.
Në një kohë kur Ukraina po lufton për identitetin e saj kundër Rusisë, ministrja shqiptare arrin t’i ngatërrojë me një fjali të vetme. Dhe e bën këtë jo në një kafe lagjeje, por në komunikim publik zyrtar.
Në vend që të korrigjojë gabimin, natyrisht, postimi në Facebook mjafton si provë e “lavdisë diplomatike”.
Kryeparlamentarja, Elisa Spiropali, ka shkaktuar një gafë diplomatike në letrën e falënderimit drejtuar presidentit ukrainas Volodymyr Zelenski. Dekoratën që i akordohej, Urdhri i Princeshës Olga, Spiropali e ka quajtur gabimisht “Urdhri i Shën Ollgës”, një dekoratë e lidhur me traditën ruse dhe jo ukrainase.
Analisti Basir Çollaku komentoi: “Mamica jonë e Parlamentit ka shënuar një gafë diplomatike. Deri në provokim. Urdhri i Shën Ollgës është dekoratë, jo ukrainase, por ruse. U krijua nga Cari Nikolla II i Rusisë më 11 shkurt 1913 me rastin e 300-vjetorit të dinastisë së Romanovëve dhe u shfuqizua nga revolucioni bolshevik i vitit 1917. Sot këtë dekoratë e akordon Patriarku i Moskës dhe i gjithë Rusisë, Vladimir Mihajloviç Gundajev, me emrin fetar Patriarku Ciril.”
Sqarim mbi dekoratën:
Dekorata që ministrja Elisa Spiropali mori nga Presidenti ukrainas quhet “Urdhri i Princeshës Olga” dhe është një nderim zyrtar ukrainas. Në letrën e saj të falënderimit, Spiropali e quajti “Urdhri i Shën Ollgës”, që është në fakt një dekoratë ruse, krijuar nga cari Nikolla II i Rusisë në vitin 1913 dhe nuk ka lidhje me Ukrainën moderne.
Keni një histori? Denonco anonimisht, identiteti juaj mbrohet.
Denonco
