Vdekja e vëllait të Gjestit, reagon sërish Xhaneta: Tregoni respekt!

Në një moment të rëndë për familjen e Gjestit, Xhenneta Fetahu ka kërkuar ndalimin e publikimit të pamjeve nga ceremonia e varrimit të vëllait të tij.

Përmes një postimi në rrjete sociale, ajo shprehu shqetësimin për mënyrën si kjo ngjarje ka përfunduar në qendër të vëmendjes online:

“Apeli im është i qartë: mos i ndani videot dhe fotot nga varrimi. Lëreni dhimbjen të mbetet aty ku është – brenda atyre që po e përjetojnë, jo në duart e rrjeteve sociale.”

Ajo falënderoi familjen e Gjestit për mikpritjen dhe përzemërsinë në një ditë kaq të vështirë, duke u lutur që Zoti t’u japë forcë dhe durim për ta përballuar këtë humbje.

“Nuk po ju lypim gjë tjetër, veçse respekt për ata që po vuajnë,” përfundoi ajo.

Varrimi u shoqërua me një vëmendje të madhe në rrjetet sociale, çka solli edhe reagime që kërkojnë më shumë privatësi dhe ndjeshmëri në momente të tilla.