Të shtëna me armë te diga e Liqenit Artificial në Tiranë

Tiranë – Panik në kryeqytet pas raportimeve për të shtëna me armë zjarri ditën e sotme në zonën e digës së Liqenit Artificial.

Sipas burimeve, autorët e dyshuar kanë qëlluar me armë ndërsa ishin duke ecur. Një qytetar ka telefonuar menjëherë Policinë, duke ofruar të dhëna për ngjarjen.

Forcat e rendit janë nisur drejt vendngjarjes për të verifikuar situatën dhe për të sqaruar rrethanat e incidentit. Deri tani nuk ka informacione zyrtare për viktima apo persona të plagosur.

Policia pritet të japë detaje më të hollësishme në vijim.