Defekt në nënstacionin e ish-uzinës traktori, gjysma e Tiranës pa energji elektrike

Gjysma e Tiranës është pa energjie elektrike prej më shumë se 30 minutash.

Ende nuk dihet shkaku i ndërprerjes, por sigurisht që kjo nuk hera e parë që ndodh.

Pa energji elektrike mësohet se është Rruga Bardhyl, zona e Brrylit, tek Materniteti i ri, Ali Demit, Shkoza dhe fshatrat përreth.

OSHEE ka reaguar mbrëmjen e sotme dhe ka shpjeguar se bëhet fjalë për një defekt në nënstacionin e ish-uzinës traktori.

‘Për shkak te nje defekti ne rrjetin 110 kV te OST, ka mbetur pa pune nst i Traktorave, duke lene pa energji elektrike zonen përreth.

Aktualisht brigadat e OST jane duke punuar me manovrimin e linjave, per ti dhene energji nst ne drejtim tjeter’, thotë OSHEE.