Pamjet virale, koha kur Edi Rama duartrokiste Florian Binajn

Një video e vjetër e ka rikthyer në vëmendje aktorin dhe kandidatin aktual të PD për bashkinë e Tiranës, Florian Binaj.

Në pamjet që po qarkullojnë në rrjet, Binaj shfaqet duke imituar kryeministrin Edi Rama në një aktivitet publik disa vite më parë.

Ajo që ka tërhequr më shumë vëmendjen është reagimi i vetë Ramës, i cili shihet duke duartrokitur performancën e aktorit që sot është në garë politike ndaj tij.

Videoja po komentohet gjerësisht në rrjete, duke u parë si një moment simbolik i kontrasteve mes humorit dhe politikës.