“Shpirt, njofto ambulancën, më qëlloi me thikë”

Kristo Mema, 63 vjeç, qëlloi për vdekje me thikë 42-vjeçarin Keli Hoxhën, teksa ky i fundit po vizitonte kalanë e Beratit së bashku me familjen e tij. Ngjarja tronditëse ndodhi një javë më parë, dhe, sipas raportimeve, gjithçka nisi nga një debat mes autorit dhe viktimës për një kali që 63-vjeçari përdorte për të shëtitur turistët.

Bashkëshortja e viktimës, Vjola Haxhia, ka rrëfyer për gazetarin Blendi Fevziu se si ndodhi ngjarja, e cila përfundoi tragjikisht në sy të vajzës së çiftit.

“Keli bashkë me vajzën u afruan ta preknin kalin nga gjuha, kur pronari i tij shfaqet duke ulëritur që të mos e preknin, sepse kalin e acaronte. Burri i tha se mos u shqetësonte, sepse ai kishte rritur në fshat dhe dinte si të trajtonte kafshën.

Më pas nisi një debat mes burrit tim dhe autorit, ku ky i fundit përdori gjuhë shumë vulgare. Bashkëshorti im i tha se ishte në moshën e gjyshit të tij dhe nuk do të merrej me të. Keli ishte dorë për dore me vajzën dhe po largohej, kur papritur u kthye, e pështyu burrin tim tre herë nga mbrapa dhe e ofendoi.

Burri im u kthye për t’u përballur, por menjëherë Keli e goditi me thikë në bark. Ai i tha: ‘Shpirt, njofto ambulancën se më vrau me thikë’, dhe ra në tokë i mbuluar me gjak”, rrëfen Haxhia.

Mesazhi i publikuar nga Blendi Fevziu

Dje mora këtë mesazh. Lexojeni edhe ju:

Pershendetje zoti Fevziu

Unë jam Vjola Haxhia bashkëshortja e Keli Hoxha, që u vra të martën në Berat. Fillimisht doja t’ju falenderoja shumë për çështjen që trajtuat edhe kohën që i keni kushtuar ngjarjes tonë.

Ne familjarisht kemi 14 vite që jetojmë në Britaninë e Madhe. Kishim ardhur në Shqiperi për pushime edhe një nga destinacionet tona ishte vizita në kalane e Beratit për t’ju mesuar edhe fëmijëve më shumë nga historia shqiptare.

Ne vizituam kalanë me familjen time edhe nënën e bashkëshortit, diku nga qendra e kalasë ishte një kalë i lidhur në shtyllë, që vajza ime 8-vjeçare Sevia e pa edhe i tha babait të saj: a mund të aftohem ta prek kalin? Theksoj që në atë moment kali ishte vetëm, nuk kishte të zotin aty.

Keli bashkë me vajzën u afruan ta preknin kalin nga gusha, në atë moment shfaqet pronari i kalit duke ulëritur direkt që mos ta preknin kalin sepse acarohet.

Burri i tha mos u shqetëso sepse unë jam rritur në fshat ku kisha edhe kalë edhe di si ta trajtoj.

Ai filloi duke debatuar me bashkëshortin tim me një gjuhë shumë vulgare. Bashkëshorti im i tha se je në moshën e gjyshit tim edhe nuk po merem të debatoj me ty. Theksoj se në këto momente Keli ishte dorë për dore me vajzën.

I ktheu shpinën edhe u nis të vinte nga ne. Ne atë moment ai e pështyu nga mbrapa burrin tim 3 herë edhe e ofendoi nga familja. Burri im u kthye edhe ju afrua por në sekondë, direkt u kthye nga unë edhe me dorë në bark me tha: shpirt njofto ambulancen se më vrau me thikë, dhe ra në tokë i mbuluar me gjak.

Aty kishte mbi 100 turistë që po shikonin edhe mund të keni mjaftushëm dëshmitare për ta konfirmuar. Kam lexuar në disa media që u vra sepse nuk bëri bëri pagesen. E kundërshtoj rreptësisht një lajm të tille, sepse nuk bëri asnjë foto.

Përse mediat nuk flasin apo shteti nuk interesohet si janë femijet i mi? Që janë në shok ,që mund të me ishte vrare edhe femija me thikë në ato momente. Femijët janë ne gjendje shoku. Nuk flenë, nuk hanë nuk flasin.