Policët nuk rrinë në kuzhinë, por janë shoferë të kriminelëve

Gazetari Lutfi Dervishi ka reaguar me ironi pas deklaratave të ministres së Brendshme Albana Koçiu gjatë mbledhjes së Komisionit Parlamentar, ku ajo u shpreh se “policët nuk rrinë në kuzhina”.

Në një postim në rrjetet sociale, Dervishi i është përgjigjur ministres me tone sarkastike, duke nënvizuar se problemi i vërtetë i Policisë së Shtetit nuk është mungesa e përfshirjes në kuzhinë, por lidhjet me botën e krimit.

“Ministrja e Brendshme Koçiu tha se policët nuk rrinë në kuzhina!
Shumë e drejtë. Nuk kanë kohë të rrinë në kuzhina sepse janë të zënë duke u kthyer në shoferë ose truproja të kriminelëve,” – shkruan gazetari Lutfi Dervishi.

Reagimi i tij ka marrë vëmendje të madhe në rrjet, duke nxitur dhjetëra komente mbi situatën aktuale të rendit dhe marrëdhëniet mes policisë dhe politikës.