Është caktuar masa pezullim nga detyra për Erjon Ismailin, zëvendësdrejtor i Policisë së Tiranës.

Masa ndaj tij, referuar raportimeve, ka ardhur në kuadër të aksionit të zhvilluar këtë të martë të 16 dhjetorit nga agjentët e Byrosë Kombëtare të Hetimit në zonën e Kodrës së Diellit në Tiranë.

Sipas raportimeve, ata kanë ushtruar kontrolle me vendim të Gjykatës së Posaçme GJKKO dhe kërkesë të Prokurorisë së Posaçme SPAK mbi lëshimin e disa urdhërarresteve për abuzime me tenderët e Agjencisë Kombëtare të Shoqërisë së Informacionit, AKSHI-t.Por detajet e këtij aksioni mbahen ende të paqarta. Autoritetet nuk kanë dhënë informacione zyrtare. Albanian Post ndërkohë nuk mundi t’i verifikonte në mënyrë të pavarur këto detaje mbi rastin.