Rama përkujton Fan Nolin në 136-vjetorin e lindjes/ Për shumë vjet o Kryezot

Kryeministri i Shqipërisë, Edi Rama, ka përkujtuar Fan S. Nolin, me rastin e 136-vjetorit të lindjes së tij. Ai shprehet se është e pamundur që të mos ulesh në gjunjë për nderim të Nolit, dhe aktivitetit të gjithëanshëm të tij.

Me anë të një postimi në rrjetet sociale, Rama shkruan:

“Sot, më 6 janar, është e pamundur të mos ulim gju, siç thuhej dikur, në përnderim të 136 vjetorit të lindjes së të pavdekshmit Imzot Nolit, prelat dhe poet, themelues, 110 vjet më parë, i Kishës ortodokse të shqiptarëve në Amerikë, historiograf ekzigjent sot e gjithë ditën i vlerësuar, i jetës dhe gjesteve të Gjergj Kastriotit Skënderbeut.

Viti Mbarëkombëtar 2018, në frymën e trashëgimisë së heroit kombëtar, është i të gjithë bashkatdhetarëve, por, edhe ca më shumë borxhli i veprës noliane.

Për shumë vjet o Kryezot!”