Kërkohej për trafik droge, kapet në Turqi vëllai i “Visit të Pojes”

Një tjetër emër i lidhur me botën e krimit është arrestuar në Turqi. Bëhet fjalë për Bledar Doçin, vëllain e personazhit të njohur si “Visi i Pojes”, i cili ishte shpallur në kërkim ndërkombëtar për trafik droge.

Mësohet se Bledar Doçi kërkohej nga autoritetet italiane për përfshirje në një grup kriminal të organizuar që vepronte në fushën e trafikimit të lëndëve narkotike.

Arrestimi i tij është kryer në territorin turk, në bashkëpunim me autoritetet vendase.

Ndërkohë, vëllai i tij, i njohur si “Visi i Pojës” dhe i lidhur me grupin e Troplinëve, vijon të jetë në kërkim nga Strukturat e Posaçme, në kuadër të hetimeve që lidhen me aktivitet kriminal dhe organizata të strukturuara.

Hetimet për të dy emrat janë pjesë e dosjeve më të gjera që lidhen me rrjete kriminale ndërkombëtare, ndërsa priten zhvillime të tjera në vijim.