“S’na marrin qumështin, po hakmerren me ne”

Deputeti i Partisë Socialiste, Erion Braçe, ka ngritur alarmin në Kuvend për një fushatë që sipas tij po godet drejtpërdrejt blegtorët dhe prodhimin vendas të qumështit.

Gjatë një interpelance me Ministrin e Bujqësisë, Braçe lexoi dhjetëra mesazhe të ardhura nga fermerët e zonës së Bubullimë, të cilët akuzojnë kompaninë LUFRA për një strategji që, sipas tyre, synon diskreditimin e qumështit vendas.

Sipas dëshmive të blegtorëve, fillimisht është përhapur pretendimi se qumështi hollohet me ujë, ndërsa më pas është ngritur shqetësimi për përmbajtje aflatoksine, bazuar – sipas Braçes – në analiza të laboratorëve privatë dhe jo të institucioneve të akredituara.

Fermerët raportojnë pasoja të rënda ekonomike: mosgrumbullim të qumështit, ulje të menjëhershme të çmimeve dhe deri në hedhjen e produktit në kanale për shkak të mungesës së tregut. Në vetëm një javë, deputeti tha se ka marrë 97 mesazhe nga blegtorë të dëshpëruar.

Një tjetër shqetësim i ngritur lidhet me kostot shtesë që fermerët kanë përballuar, pasi – të nxitur nga kjo situatë – janë detyruar të përdorin preparate anti-mykotike për bagëtinë, shpesh pa një bazë të qartë shkencore.

Braçe theksoi se vetëm laboratorët e akredituar shtetërorë, si AKU dhe ISUV, kanë të drejtën të certifikojnë cilësinë e produkteve ushqimore. Ai vuri në pikëpyetje vlefshmërinë e analizave të kryera nga laboratorë privatë të lidhur me vetë kompanitë përpunuese.

Sipas tij, të dhënat zyrtare tregojnë se rastet me aflatoksinë janë minimale dhe nuk justifikojnë një fushatë të tillë masive që ka dëmtuar rëndë fermerët.

Deputeti ngriti gjithashtu dyshime për ndikimin e faktorëve ekonomikë, duke përmendur uljen e çmimeve pa një arsye reale tregu, si dhe lidhjen me ndryshimet ligjore për rimbursimin e TVSH-së, që sipas tij mund të ekspozojnë evazionin fiskal në sektor.

Çështja pritet të vijojë të debatohet, ndërsa blegtorët kërkojnë ndërhyrje urgjente për të ndalur humbjet dhe për të garantuar një treg të drejtë për prodhimin vendas.

Mesazhet e fermereve:

“Në janar një fushatë e tërë në territor por dhe mediatike lajmëroi se lopët po prodhonin qumësht kancerogjen. U vura me dije nga një grup bujqish në Lushnjë, kërkonin ndihmë kudo. Mesazhet ishin zoti Braçe si jeni, jemi fermerë nga Bubullimës. Kompania e qumështit LUFRA po na shkatërron. Deri dje kishte skemë që gjoja i hedhim qumështit ujë. Çmimin e kishin ulur fare. Por tani kanë nxjerrë gjoja me aflatoksinë qumështin tonë. Duan të na përzënë fare. Ku të vemi, ku t’i çojmë lopët. Ku të mbytemi?

Mesazhi tjetër: Jam nga Bubullima. Duam të na ndihmosh me qumështin e fshatarëve që e dorëzojmë te Lufra. Për fshatin e vetmja shpresë janë lopët. Të kam ndjekur. Po derdhim shumë qumësht në kanal, që për popullin janë gjaku i derdhur.

Mesazhi i tretë: Lufra këto ditë ka lënë kudo radhë, psh, ose qumështin e mëngjesit ose të mbrëmjes. Besoj se do e kenë thënë të tjerë, pronarja e thotë hapur që e merr më lirë pluhurin se qumështin vendas.

Mesazhi tjetër: Zoti Erjon na fal për shqetësimin, por jam një qytetar nga Bubullima, Lufra është bërë më agresive nga ajo që ti bëre problem me statusin tënd. Sot hakmerret me ne, s’na mori pikë qumështi dhe na la në shtëpi. Fill pas këtyre mesazheve i jam drejtuar institucioneve shtetërore për të kuptuar çfarë ndodh”, thekson Braçe.

E gjithë kjo fushatë kundër qumështit të blegtorëve në fillim në territor atje dhe pastaj në media sponsporizuar qartësisht nga fabrikat, rezulton vetëm me 2 mostra aflatoksine.
Hijet e dyshimit

Erion Braçe tha në Parlament se institucionet shtetërore janë të vetmet që mund të çertifikojnë produktin e qumështit, pasi laboratorët e akredituar janë të AKU dhe ISUV.

Ndërkohë që fushata ndaj blegtorëve është ngritur nga analizat e laboratorëve privat që janë në pronësi të kompanive si LUFRA.

“Nga dhjetori deri në fund të muajit mars, rezultojnë vetëm 5 mostra të marra, një në Dimal, dhe në krahun tjetër 4 të tjera në Lushnjë dhe Divjakë. Vetëm 3 raste me aflatoksinë.  

Të vini këtu dhe të thoni që unë nuk duhet të nxisë fshatarët që të prodhojnë me aflatoksinë nuk më shkon. Përkundrazi fushata që u ndërmor nga kompanitë në terren dhe media po prapë nga kompanitë ka dëmtuar rëndë produktin e bujqve. Ato mesazhe që lexova nuk i shpik unë. Janë 97 të tilla, të marra në një javë. 

Çfarë e pasoi fushatë është problemi shumë i madh.   

Unë pranoj që këtë verdikt ta japin laboratorët e akredituar.

Por laborator të paakrediutar të kompanive private që përpunojnë qumësht e thonë se qumështi juaj është me aflatoksinë nuk shkon. Prodhues është edhe blegtoripor edhe ajo fabrika matanë. Nuk ka epërsi mbi prodhuesin e vogël. E pranoj verdikitin e ISUV por jo të kompanisë që ka një laborator që askush s’e di në çfarë standardi është, çfarë analizash kryen dhe ku është akredituar.

Thënë të gjitha këto, fushata u shoqërua, e para, mbi të gjitha me mosmbledhje të produktit. Hedhje masive nëpër kanale. E dyta, me ulje të çmimit. Se kjo e shoqëroi. Ulja e çmimit e menjëhershme, nga kompanitë që grumbullonin tek blegtorët.

E treta, me masa shtesë të blegtorëve për anti-mykotikët dhe natyrisht edhe kosto për ta. Se të nxitur nga fabrikat, u detyruan të blejnë anti-mykotik dhe t’i ngopin lopët me, me anti-mykotik, në dijeninë time kot. Dhe në fokus të atyre përgjigjeve të AKU-së, kot. Tani, përse u ul çmimi? Ndryshoi oferta në treg? Jo. Sasia e prodhimit të qumështit në atë periudhë nuk u rrit. Përkundrazi, u hodh në kanal. E dyta. U ul kërkesa në treg? Jo, kompanitë kanë vazhduar të shesin. Madje të bëjnë dhe një element tjetër shumë të rëndësishëm për të cilin do flas më poshtë. Për të zëvendësuar qumështin që nuk mblodhën nga, nga blegtorët. Në janar hyri në fuqi ligji për rimbursim, faturën duhet ta lëshonte subjekti me TVSH. Fabrika është subjekti që duhet të lëshojë faturën me TVSH. Duhet të çojë qumështin vetëm te fabrika me TVSH. Me ligjin e ri fabrika duhet të lëshojë faturë për blegtorin që ka dëgjuar se duhet të marri 10% të vlerës së faturës mbrapsht. Lëshimi i faturës do nxirrte në pah evazionin masiv.”, theksoi Braçe.