Denoncimi i fortë: Edi Rama po merret me azilin e Belinda Ballukut

Kryetari i Partisë Demokratike, Sali Berisha, ka bërë një deklaratë të fortë publike, duke hedhur akuza të drejtpërdrejta ndaj kryeministrit Edi Rama dhe zv/kryeministres Belinda Balluku.

Në deklaratën e tij, Berisha pretendon se Rama po punon për t’i siguruar azil politik Ballukut, e cila sipas tij është nën hetim nga SPAK për korrupsion. Ai shtoi gjithashtu se kryeministri po mendon edhe për largimin e vet nga vendi.

“Së pari ai është marrë me azilin e Lubi Ballukut, kjo është e vërteta.
E vërteta tjetër është se dosjet e rënda të shqyrtuara trehgojnë se Balluku dhe Rama janë bashkëdrejtues të një organiztate të strukturuar kriminale.
Rama po mendon të largohet, po e ndjek dhe opozita është e gatshme dhe u bën thirrje vendeve me të cilat Shqipëria ka marrëveshje të refuzojnë kërkesat e çdo politikani, por sidomos Ramës dhe ministrave të tij”, deklaroi Berisha.

Deklaratat e liderit të opozitës vijnë në një klimë të tensionuar politike, ndërsa hetimet e SPAK dhe akuzat për korrupsion mbeten në fokus të debatit publik. Nga ana tjetër, nuk ka ende një reagim zyrtar nga qeveria lidhur me këto pretendime.