për dosjen e inceneratorit të Tiranës

Forca të shumta policore kanë zhvilluar një operacion, gjatë të cilit është arrestuar Renardo Nallbani, person i shpallur në kërkim nga SPAK që prej vitit 2024, në kuadër të hetimeve për inceneratorin e Tiranës.

Sipas informacioneve paraprake, forcat e policisë kanë rrethuar një vilë ku dyshohej se fshihej Nallbani, duke bërë të mundur kapjen e tij.

Renardo Nallbani akuzohet për veprat penale “Pastrim i produkteve të veprës penale ose veprimtarisë kriminale”, e kryer në bashkëpunim të veçantë në kuadër të grupit të strukturuar kriminal, “Grup i strukturuar kriminal” dhe “Kryerje e veprave penale nga organizata kriminale dhe grupi i strukturuar kriminal”.

Nallbani ishte shpallur në kërkim prej vitit 2024, ndërsa arrestimi i tij lidhet me hetimet e SPAK për çështjen e inceneratorit të Tiranës.

Pritet që autoritetet të japin detaje të mëtejshme mbi operacionin dhe procedurat që do të ndiqen ndaj të arrestuarit.