Vdiqën në festën e beqarisë, 2 prej vajzave ishin shtatzëna, 3 martoheshin këtë vit

Mediat turke kanë publikuar foton e foton e fundit të shkrepur në avionin privat të 8 vajzave të reja që humbën jetën pasi ai u rrëzua të dielën mbi Iran.

Në avionin privat të Başaran Holding, në pronësi të babait të njërës prej vajzave te vdekura, ishte Mina Basaran dhe shtatë shoqe të saj, sëbashku me 3 pjesëtare të ekuipazhit që po ktheheshin nga Dubai, ku kishin organizuar një festë beqarie.

Një ditë para se të humbte jetën në aksident, Mina Basaran kishte shpërndarë një foto në rrjetet sociale ku shikohej bashkë me shoqet në festën e saj të beqarisë para dasmës që do të organizonte së shpejti.

Sipas mediave turke, tre prej vajzave që humbën jetën në aksident do të martoheshin gjatë këtij viti, ndërsa dy të tjera ishin shtatzënë.