4 në pranga/ Nusja vrau vjehrrën në Tiranë, vjehrri e dinte por nuk tregoi

Marjana Cmeta, 21 vjeçe është arrestuar në Tiranë, e akuzuar se ka helmuar me fotoksinë vjehrrën e saj Lirije Lami. Tre persona janë vënë në pranga gjithashtu për moskallëzim krimi, mes tyre edhe i shoqi i viktimës. Ky i fundit, sipas hetimeve, ishte në djeni të krimit, por nuk e ka kallëzuar. Ngjarja ka ndodhur në prill 2017 në Kamëz, por asokohe vdekja e 48-vjeçares u raportua si vdekje natyrale. Pas hetimeve që zgjatën rreth 10 muaj, është bërë e mundur zbardhja e ngjarjes. Arrestimet erdhën pas masave të sigurimit personal “arrest me burg” dhënë nga Gjykata për Krimet e Rënda me kërkesë të Prokurorisë.

Të arrestuar

“Heshtja e zgjatur” është koduar aksioni që ka çuar në pranga katër persona.

Burime zyrtare nga Policia njoftuan se: Nga Sektori i Hetimit te Krimeve të Rënda në Drejtorinë Vendore të Policisë Tiranë, nën drejtimin e Prokurorisë për Krimet e Rënda, u finalizua me sukses operacioni “Heshtja e Zgjatur”, si rezultat i të cilit u bë i mundur lokalizimi, kapja dhe ekzekutimi i masave të sigurimit personal “arrest ne burg” të lëshuara nga Gjykata për Krimet e Rënda për shtetasit:

1. Marjana Cmeta, 21 vjeç, banuese në Tiran , për të cilën Gjykata e Shkallës së Parë për Krimet e Rënda ka caktuar masën e sigurisë personale “Arrest ne Burg“ për veprën penale “Vrasje për shkak të marrëdhënies familjare“, parashikuar nga neni 79/c i Kodit Penal.

2. Agim Lami, 50 vjeç, lindur e banues në Tiranë, për të cilin Gjykata e Shkallës së Parë për Krimet e Rënda ka caktuar masën e sigurisë personale “Arrest ne Burg“ për veprën penale “Moskallëzim krimi“ parashikuar nga neni 300/1 i Kodit Penal.

3. Hysen Shehu 45 vjeç, banues në Tiranë, për të cilin Gjykata e Shkallës së Parë për Krimet e Rënda ka caktuar masën e sigurisë personale “Arrest ne Burg“ për veprën penale “Moskallëzim krimi“ parashikuar nga neni 300/1 i Kodit Penal.

4. Arben Saliu , 41 vjeç, banues në Tiranë , për të cilin Gjykata e Shkallës së Parë për Krimet e Rënda ka caktuar masën e sigurisë personale “Arrest ne Burg“ për veprën penale “Moskallëzim krimi“ parashikuar nga neni 300/1 i Kodit Penal.

Hetimet

Në datë 30 Prill 2017, në zonën e Ish -Frutikulturës, Kamëz, u gjet e pajetë në banesën e saj në ish-Frutikulturë Kamëz, 48-vjeçarja Lirije Lami.

Nga tërësia e veprimeve hetimore rezultoi se autore e dyshuar e vrasjes së gruas është Marjana Cmeta, në atë kohë bashkëshortja e djalit të viktimës. Shkak i vrasjes dyshohet të jenë mosmarrveshjet e shpeshta mes autores së dyshuar dhe viktimës, thanë burime zyrtare nga Policia.

Agim Lami (bashkëshorti i viktimës), Arben Saliu (kushëriri i Agimit ) dhe Hysen Shehu kanë qenë në dijeni të ngjarjes se ndodhur dhe autorsisë së saj, dhe nuk kanë kallëzuar pranë organeve kompetente duke fshehur ngjarjen.

Më shumë nga Lajme

Zëri yt bëhet lajm.