Festa e Sulltan Novruzit, Meta uron besimtarët

Meta tha se vlerat e këtij besimi janë dija dhe urtësia, e kësisoj kjo ditë është një moment që do duhet të na bëjë të reflektojmë mbi vlerat e bashkëjetesës në shoqëri.

“Është një privilegj i veçantë që ndodhem sot këtu në kryeqendrën botërore të besimit bektashian duke ndarë mesazhet. Shembulli i Imam Aliut dhe rolet e bektashinjve shqiptarë përbëjnë garanci për të tashme dhe të ardhmen jo vetëm të këtij besimi por edhe shoqërisë. Në këtë ditë nxjerrim më shumë në dritë dhe reflektojmë vlerat e bashkëjetesës. Dija dhe urtësia janë tipare të patjetërsueshëm që kanë çuar para besimin bektashian. Ky besim dhe vlera të spikatura një shembull mbarë botëror dhe një garanci se do të trashëgohen dhe në të ardhmen në shërbim të atdheut tonë të dashur. Duke uruar nga zemra në këtë ditë hareje, shprese, gëzuar festën e Sulltan Novruzit, Paqja dhe mirësia mbretërofshin nga hera në zemrën e çdo shqiptari”, tha Meta.