EMRAT/ Burri vdiq, gruaja në gjendje të rëndë. Policia identifikon autorin e aksidentit në Shkodër

Besnik Beci është ndarë nga jeta si pasojë e aksidentit ndërsa bashkëshortja e tij Alketa Beci ndodhet në gjendje të rëndë shëndetësore. Shtetasi Gjergj Toni pasi i ka përplasur çiftin që po ecnin në këmbë është larguar nga vendi i ngjarjes.

Rreth 500 metër më tutje ka humbur kontrollin dhe ka dalë nga rruga duke u përplasur me bordurat anësore. Menjëherë forcat e policisë kanë bërë ndalimin e shtetasit Gjergj Toni si i dyshuar për aksidentin e rëndë. Policia vijon hetimet.

Ishin duke ecur anës rrugës, makina përplas çiftin dhe lë të vdekur burrin. Largohet autori

Një aksident i rëndë ka ndodhur mbrëmjen e sotme në Shkodër. Të dhenat paraprake bëjnë me dije se aksidenti ka ndodhur në aksin rrugor Shkodër-Hani i Hotit.

Sipas të dhënave të para mësohet se ka mbetur një personi vdekur, dhe një tjetër është plagosur.

Ilustruese

Sipas informacioneve që vijnë nga policia bëjnë të ditur se një makinë ka përplasur një çift bashkëshortësh dhe si pasojë burri ka humbur jetën, ndërsa gruaja është plagosur.

Çifti ishte duke ecur në këmbë në momentin kur janë përplasur nga makina.

Nuk dihen ende rrethanat si ka ndodhur aksidenti, ndërsa policia ka mbërritur në vendin e ngjarjes dhe ka nisur punën për zbardhjen e rrethanave.