Rama në Ksamil , nga 1 mijë që prodhohej pas 4 vitesh qeverisje nga ne u rrit ne 2 mijë ton midhje

Përditësuar më 8 Qershor 2017, 18:38

Nga 5 mijë ton midhje që prodhoheshin në vitet 90, prodhimi i tyre ra në 1 mijë ton më 2013. Në vetëm 44 muaj, kemi mbështetur sektorin dhe kemi rritur sipërfaqen e kultivimit të midhjes duke e nxjerrë atë në det për ta ruajtur nga dëmtimet e rritur cilësinë; Për herë të parë në 25 vjet pastruam kanalin e Bistricës dhe sot Shqipëria prodhon 2 mijë ton midhje në vit, dyfishin e sasisë që prodhonte më 2013.

Ne 4 vitet që vijmë do të sigurojmë aksesin e këtij produkti në tregun europian, çka do të rrisë më tej kultivimin e midhjes duke e çuar në 4000 ton, ose dy herë më shumë se sot.

Siç luftuam dhe fituam për Vetingun, do të luftojmë e fitojmë për të rritur ekonominë dhe punësimin  , u shpreh Rama ne Ksamil.