Legjenda e Juventusit i del kundër Ronaldos: Modriç do fitojë edhe Topin e Artë

Mungesa e Cristiano Ronaldos në ceremoninë e shortit të grupeve të Champions League nuk kaloi pa u vënë re.

Pas deklaratave të Ramos apo edhe Asensio, për këtë ka vendosur të flasë edhe legjenda e Juventusit,  Alessandro Del Piero.

Lidhur me mungesën e portugezit në ceremoni, ai u shpreh për “Sky Football Club”:

Diçka shkoi keq dhe ka krijuar këtë polemikë. Nëse Cristiano do të kishte thënë herët se nuk mund të shkonte për arsye personale në ceremoninë e ndarjes së çmimeve, asgjë nuk do të kishte ndodhur”.

Përpos kësaj ish-futbollisti juventin dha edhe mendimin e tij lidhur me fituesin e Topit të Artë:

Personalisht mendoj se Modriç e ka merituar çmimin e më të mirit. Ai ka fituar në Madrid dhe shkëlqeu me Kroacinë në Botërorin e Rusisë. Ka bërë diçka të jashtëzakonshme. Zakonisht, ai që e fiton këtë çmim, në fund të vitit bën të vetin edhe “Topin e Artë”.

Lidhur me mungesën e golit me të cilën po përballet Ronaldo, Del Piero u shpreh se kjo vjen si pasojë e mbrojtes më të fortë që kanë skuadrat italiane, ndërsa theksoi se në Europë do të ketë më shumë hapësira.