Reali fundoset nga Levante, pesë ndeshje pa fitore

Skuadra e Julen Lopeteguit pësoi humbje 1-2 nga Levante, që tani shkon në pesë ndeshje pa fitore dhe në tri humbje me radhë, shkruan Gazeta Express.

Po ashtu Real Madridi e shënoi rekordin e tmerrshëm duke mos shënuar gol në 481 minuta, për herë të parë në histori të klubit, këtë kohëzgjatje e përfundoi Marcelo, i cili e shëno golin e vetëm për skuadrën e tij.

Kampioni i Evropës është duke kaluar në momente të vështira pas një kohë të gjatë me suksese, dhe përveç kësaj pritet të shkarkohet edhe trajneri aktual, e në vend të tij të vijë Antonio Conte.

Goli i parë erdhi në minutën e 7’ të ndeshjes nga Jose Morales, i cili për mrekulli arriti ta kalojë portierin Thibaut Courtois, për ta dërguar pastaj topin në rrjetë.

Gjashtë minuta më vonë, Levante shënoi golin e dytë, që doli të jetë ai i fitores. Realizues ishte Roger Marti, i cili shënoi nga pika e bardhë.

Ndërkohë mbrojtësi brazilian, Marcelo, shënoi golin e vetëm të ndeshjes në minutën e 72’ pas 481 minutave.

Real Madridi në javën e ardhshme luan kundër Barcelonës, që do të jetë El Clasico e parë e këtij stinori, ndërsa Levante e pret në shtëpi Leganes.