Athinë, shqiptarin e eliminojnë me disa plumba në kokë në mes të sheshit

Viktimë nga vrasja e mistershme mbeti një shqiptar, identiteti i të cilit nuk është bërë ende me dije.

Vrasja ndodhi rreth ores 22:40 të mbrëmjes së djeshme me orën lokale, në rrugën “Kriti 23” në sheshin e Omonias.

Sipas atyre që raportojnë mediat greke, shqiptari kishte qenë duke pirë kafe, kur një person i është afruar dhe e ka qëlluar me armë zjarri.

Raportohet se viktima kishte marrë disa plumba në kokë dhe kishte gjetur vdekjen e menjëhershme.

Menjëherë pasi kishte kryer krimin, autori ishte larguar me një motor që drejtohej nga një tjetër person.