Afera me subvencione për bujqësinë/ Detaje nga operacioni në Kosovë, gruaja e një prej të dyshuarve tentoi ta fshihte çantën me para, policia i gjeti në dhoma e tualet
Rreth 400 mijë euro CASH janë sekuestruar sot në aksionin e Policisë së Kosovës, i zhvilluar në disa zona të vendit. Paratë janë gjetur në dy lokacione në Gjilan e Batllavë, në këtë të fundit gruaja e të dyshuarit ka tentuar t’i fshehë.
Drejtori i Krimeve Ekonomike dhe Kundër Korrupsionit, Nazim Sahiti, tha për Express se paratë janë gjetur nëpër dhoma dhe në tualet.
“Paratë janë gjetur në shtëpitë e të dyshuarve, në Batllavë dhe Gjilan. Janë gjetur në dhomë, në tualet, në një vend gruaja e të dyshuarit ka tentuar me i fsheh paratë, kjo e fundit ka ndodh në Batllavë”, tha Sahiti.
Lumezi tha se të arrestuarit dyshohen për keqpërdorim të subvencioneve, marrje dhe dhënie të ryshfetit, keqpërdorim të detyrës zyrtare etj.
Teksa shtoi se grumbullimi i informacioneve për këtë aksion ka nisur nga muaji janar. Aksioni nisi sot në në Ministrinë e Bujqësisë, Pylltarisë dhe Zhvillimit Rural në Prishtinë, për të vazhduar në lokacione të tjera.
Teksa shtoi se grumbullimi i informacioneve për këtë aksion ka nisur nga muaji janar. Aksioni nisi sot në në Ministrinë e Bujqësisë, Pylltarisë dhe Zhvillimit Rural në Prishtinë, për të vazhduar në lokacione të tjera.
Inicialet e të arrestuarve: H.M, K.Z, A.N, S.SH, L.S, S.S, D,A, B.N, P.K, SH.K, A.U, K.S.
Keni një histori? Denonco anonimisht, identiteti juaj mbrohet.
Denonco
