Ish-ministri i Financave, Arben Ahmetaj duke iu referuar akuzave të lëshuara në drejtim të tij pohoi se pas këtyre sulmeve fshihet një infrastrukturë mafioze.

I ftuar në Opinion ai tha se ka të qartë mendjen dhe kokën, ndërsa trupin do e ketë shumë shpjet. Ai mes të tjerash tha se është i pastër.

“Kjo është një infrastrukturë mafioze ndaj meje. Kam të qartë mendjen dhe kokën, trupin do e kem të qartë shumë shpejt. Mirel Mërtirin e kam njohur në sipërfaqe në tryezën e një politikani në 2004-2005. Nëse do më gjykosh për veprimet e mia zyrtare. Unë po e them nuk kam asnjë firmë në procedurë. Nuk ka. Është nul juridikisht. Nuk është pjesë e procedurës. Mercenari le të vazhdojë, aty është. Historitë tona para drejtësisë ai edhe unë do i sqarojmë. Të kthehem te një element i rëndësishëm. Qytetarëve dua t’u them një të vërtetë të madhe që rrëzon shumë supozime të bëra nga shumëkush ”, tha ai.

“S’e kam takuar kurrë me Zoton në Maltë”, Ahmetaj aludon për Ramën? Nuk kam qenë kaq i fuqishëm sa të vë në lëvizje qeverinë!

Ish-ministri i Financave, Arben Ahmetaj pohoi se nuk ka qenë kaq i fuqishëm sa të quhej koka e inceneratorëve, sa të lëvizte qeverinë.

“A jam takuar në Maltë me Klodian Zoton? Kurrë! Ti flet me kolegët e mi dhe mua nuk ma thonë. Pse nuk e thonë në SPAK, i ftoj ta thonë në SPAK. Ti duhet të shohësh letrat. Si ka mundësi të jesh ‘koka’ e inceneratorëve dhe të kesh fuqi të mbinatyrshme dhe të marr gjithë kolegët dhe ta bëj të gjithën këtë. Nuk kam qene aq i fuqishëm që te ve ne lëvizje qeverinë, bashkinë. Duhet të isha Guru që të marr kryeministrin. Janë investime të domosdoshme në përputhje me vizionin e qeverisë. si je ‘koka’ kur ke lënë letra që refuzojnë financimin? Tirana i takon privatit. Këto po i quaj provokime. Cilët kolegë janë?”, tha ai per Opinion.

Ish-ministri i Financave, Arben Ahmetaj ka komentuar sot deklaratat e kryeministrit Edi Rama në lidhje me të, ndërsa theksoi se ai bëri rolin e gjykatësit.

Përballë gazetarin Blendi Fevziu Ahmetaj tha se Rama ka të drejtë për faktin se secili ka përgjegjësi personale, por shtoi se kurrë nuk i ka kërkuar ndihmë kryeministrit.

“O Blendi, unë nuk kam nevojë për të më sponsorizuar ato udhëtime. Ti më njeh. Nuk kam udhëtuar kurrë me të. Nuk kam pasur kurrë kartën e tij në dorë. Ai është mercenar. Tani gjërat po trupëzohen për të vërteta. E di cca ka thënë ky djali që ti i referohesh, ka shkruar në portalin e tij që unë dhe Erjola te shtëpia në plazh ftojmë miq dhe bëjmë orgji. Të më thonë mua familjet shqiptare nëse ka ndonjë gazetar apo burr…..Blend Fevziu, sulmi nuk është fakt, por është fakt i mercenarit. Nuk është asgjë e vërtetë. Po të jap autorizim, se skam kohë të merrem me këto. Veten e kam të pastruar, madje deklarim që nga 98-ta fije për pe. Sikur gjysma e politikanëve ta bënin atë që kam bërë unë…Si kam kërkuar Ed Ramës ndonjëherë ndihmë. S’do desha të isha në pozicionin e kryeministrit që të pretendoja të bëja gjykatësin, ai të bëjë atë që bën më mirë. Gjykatësi është pozicion i sikletshëm. Kam një rekord kur ka qenë dhe Fino prezent, i shkreti. Më kujtohen këta ish-kolegë. Me Saimir Tahirin s’kam shkuar fare, ti e di. Por dhimbja për një koleg është e madhe. Ajo që tha kryeministri, bëri rolin e gjykatësit. Ai e ka zakon të drejtë, që përgjegjësia është individuale.”, tha ai.