Aksident i rëndë në Lezhë, makina del nga rruga dhe përfundon në kanal. Dyshohet se një defekt u bë shkaktar që…

Një aksident i rëndë, por fatmirësisht pa viktima ka ndodhur këtë të dielë në Lezhë. Aksidenti ka ndodhur në zonën e Lalmit të Ri, ku siç shihet nga pamjet e mëposhtme një automjet tip Volswagen ka përfunduar i përmbysur në kanalin anës rrugës.

Korrespondenti i Gazetës Panorama në Lezhë bën me dije se si pasojë e një defekti, makina mori gaz duke dalë nga rruga dhe duke përfunduar në kanal.

Drejtuesi i automjetit shpëtoi për mrekulli pa asnjë lëndim serioz.