Aksident i rëndë/ Përplasen dy makina, tre të plagosur

Një aksident me tre të lënduar është shënuar këtë pasdite në në fshatin Kutall, në rrugën Ura Vajgurore- Fier.

Sipas “Report Tv” një mjet tip “Benz”, me drejtues shtetasin A.M, 61 vjeç , banues në fshatin Allambres, Ura Vajgurore, është përplasur me mjetin tip Citroen, me drejtues shtetasin F.Ç, 44 vjeç, banues në Fier.

Nga përplasja kanë mbetur të dëmtuar të dy drejtuesit e mjeteve dhe pasagjerja, shtetasja H.M, 61 vjeçe, të cilët mësohet se janë transportuar menjëherë në Spitalin Rajonal Berat.

Grupi hetimor mësohet se ka mbërritur në vendngjarje dhe se po punon për zbardhjen e shkaqeve të aksidentit.