Angela Merkel refuzon të marrë dozën e parë të vaksinës anti-Covid, kjo është arsyeja e fortë që e detyroi të marrë këtë vendim

“Unë jam 66 vjeçe dhe nuk bëj pjesë në grupin e rekomanduar për Astra-Zeneca. Por është një vaksinë e besueshme, efektive dhe e sigurt dhe është aprovuar”, tha Merkel në një intervistë për gazetën gjermane “Frankfurter Allgemeine”.

Kancelarja Merkel tha se mund të përdoret vaksina e Pfizer/Biontech për të reklamuar vaksinimin, teksa u shpreh se dozat duhet t’i jepen kryesisht të moshuarve dhe personave më të rrezikuar nga virusi.

“Unë mendoj se është e drejtë, përveç kategorisë më të rrezikuar dhe të moshuarve, që së pari të ftohen grupet e popullsisë që nuk mund të mbajnë distancën e tyre në punë. Ne mund të ulemi në një distancë të madhe nga njëri-tjetri gjatë intervistës. Një mësuese e kopshtit, një mësuese e shkollës fillore, nuk mund ta bëjë këtë. Këta janë njerëzit që duhet të marrin radhën përpara dikujt si unë”, tha Merkel.